ТIекхочийла долу линкаш

ЦIеххьана кхаьчна хаам!

Оьрсийчохь бакъболу къонахий бисина бац аьлла мозгIара Смирновс


МозгIар Смирнов Дмитрий

Оьрсийчохь бакъболу къонахий спецназашкахь бен ца бисина аьлла, дIахьедина доьзалийн хеттаршкахула йолчу Патриаршин комиссин куьйгалхочо Смирнов Дмитрийс, орцан министраллан белхахошца хиллачу къамелехь.

"30-чу шерашкахь хиллачу жимчу стагца таханалераниг вуьстича - вайн пачхьалкхехь спецназехь бен бисина бац бакъ болу стегарий", - аьллачу Смирновн дешнаш далийна "Интерфакс" агенталло.

Кху заманан оьрсийн рекруташ къонахаллица къаьсташ бац, уьш "рекрутяташ" бу аьлла Смирновс.

"Парадашкахь бIаьрг бетташ хуьлу со цаьрга - кегий, эгIаза, кIорнеш санна бу. Дела къинхетам бу, тIаьхьа мехкарий а оцу эскаршка дIаэца буьйлабелла - салтих тера бу хIинца", - хаамбина мозгIаро, Академин Ракетан эскарийн 9-чу факультетехь ша болх бечу хенахь хиллачу зеделлачух дуьйцуш.

Смирнов саготта ву, дуккхаъчу оьрсийн доьзалашкахь шайн бераш кхио дай-наной дуьхьал хиларна а. "Оьрсаша шайнаш дIа ца тосу бохуш, кинош чохь гойту, ткъа со ма Iийна кхелан пурстоьпийн Юкъараллан кхеташонан декъехь. Цундела суна хаьа, дIакхуьйсу, эхь-бехк дайна дIа-м кхуьйсу",- аьлла Патриаршин комиссин куьйгалхочо.

Ишта цунна хетарехь, хьал хийца деза школера схьа дуьйна, доьзалх дисциплина уггар коьртачех а йина.

Хьалхо Смирновс дIахьедира, 2050-чу шарахь оьрсийн бахархошлахь 50 процент хир бу бусулбанаш аьлла.

"Бусулбанаша дукха бераш дуьненчу доху. ГIезалой ца буьйцу ас, къаьсттина кавказхой бу ас буьйцурш. Нохчийн а, гIалгIайн а доьзалашкахь бархI-бархI бер хуьлу. Оьрсий кхачор бу 2050-чу шарахь. Кхузахь бехар бу кхечу къаьмнийн векалш: нохчий, гIалгIай, Iарбой", - аьлла, билгладаьккхинера мозгIара "Говорит Москва" радиостанцин эфирехь.

XS
SM
MD
LG