Леррина зударий дIасалелон таксин сервис болх бан йолаелла Нохчийчохь. Машенашна урхалла дийраш а бу зударий.
Цкъачунна Соьлж-ГIаларчу урамашкахь гучуяьлла "Мехкарийн" компанин 5 машен. Гергарчу хенахь церан терахь алсамдоккхур ду 20-га кхаччал, хаам бо "Грозный" телеканало.
Дийцарехь, Нохчийчуьрчу зударийн таксин компанино шен филиалаш схьайоьллур ю ГIалгIайчохь а, Дагестанехь а.
Болчу хаамца, цу таксешна тIехь болх бан дIаоьцу лаххара 3 шарахь машен лелийна стаж йолу зударий. Уьш чекхбовлу компанин инструкторан экзаменах, дIало психологин тесташ.
