ТIекхочийла долу линкаш

ЦIеххьана кхаьчна хаам!

Тбилисера сингаттаме буьйса, карарчу хенан хьал


Гуьржийн хаамийн гIирсаша бечу хаамашца, яхначу буьйсанал маьрша ю Iуьйре Тбилисехь. Гуламхойн цхьа дакъа лаьцна полицино, важа – дIасадахана, яздо IPN агенталло.

Сатосу хан тIекхаччалц шахьаран массийтта меттехь бара протестхой – Руставелин, Меликашвилин, Коставин, Варазисхеви майданашкахь. ХIинца маьрша ду урамаш, дIасалела транспорт.

Шахьаран коьртачу метте – Руставелин майдана – баха гIоьртира гуламхой сатоссуш, амма полицино рогIехь бихкира некъ.

Ницкъхой бевлла резаьнкин герз деттарца, бIаьргех хидоккху газ яржорца гуламхой дIасалаьхкина.

Протестхой жима тоба вовшахкхетта Тбилисерчу университетна хьалха, Чавчавадзен майданахь, аьлла бу хьал тергалдечу Гуьржийчуьрчу Маршо Радион журналисташкара тIаьххьара хаамаш.

Тбилисерчу телевизионаш а, агеталлаша а жамIаш до буса лаьттинчу хьолан: гулам дIасабоккхуш лазийна иттанаш нах, протестхой а, полисхой а.

XS
SM
MD
LG