Кеман билеташ лохучу уггар яккхийчерах йолчу Skyscanner сайта тIехь рейсаш гойтуш яц Оьрсийчоьно нуьцкъах шех дӀатоьхначу ГIирмерчу Симферополе. Цу гIала билет каро гIоьртича муьллхха де хьаржича а системо хаам бо, билеташ дац олий. Цунна тIе тидам бахийтина "Коммерсант" зорбанан гIирсо.
Ша оцу компанехь жоп ца далало, хилларг хIун ду бохучунна. Skyscanner-ан Оьрсийчуьрчу декъехь хаам бина РБК агенталле, говзанчаш хилларг къастош бу аьлла.
"Коммерсантан" а, РБК-н а туризман компанешкарчу хьастанаша чIагIдо, ГIирмера аэропорт цу системера дIаяларан бахьана ду Цхьаьнатоьхначу Штаташа а, Евробартан пачхьалкхаша а ГIирма нуьцкъах шех дӀатохарна Оьрсийчоьнна санкцеш кхайкхор бохуш. Дукха хан йоццуш Евробарто кхин дIа а яхйинчу сакцеша бакъо ца ло шайн компанешна ГIирмехь муьлхха а гIуллакх дан.
