ТIекхочийла долу линкаш

ЦIеххьана кхаьчна хаам!

"Зимняя вишня" компанин хилла долахо Оьрсийчоьне дIалуш ву Варшавас


Вишневский Вячеслав (Архивера сурт

"Зимняя вишня" йохка-эцаран центран хиллачу директорна Вишневский Вячеславна Оьрсийчу экстрадици ян пурба делла Варшаверчу апелляцин кхело. Юстицин министралло тIечIагIдаллалц сецна ду гIуллакх, хаамбо "Новости" агенталло.

Йохка-эцаран центр долахь йолу Вишневский "Кемеровский кондитерский комбинат" компанин урхаллехь а хилла. Стохка Зазадоккху-баттахь цIеяларан бахьанашца 60 стаг велира цу чохь, шайлахь 37 бер а долуш. Кхачамбацарш къайладахархьама йохка-эцаран центр чохь йолчу гIишлон планировка хуьйцучу хенахь бизнесхочо ахча делла хилла аьлла ю талламчийн верси. Оцу юкъанна дикка хан а хилла иза ша Испанехь веха.

Стохка Зазадоккху-беттан 25-чохь цIе кхерстира "Зимняя вишня" центрехь. Сиха йогучу гIишлошъяран материалех йина хиларна, маса дIасаяьржинера цIе еа гIаттах лаьттачу гIишло чохь. ЦIеяйаран система болх беш ца хилла, эвакуаци ен араволийлаш а къовлаелла хилла.

"Зимняя вишня" компанин тIаьххьара долахо Вишневский вацара, Австралехь веха бизнесхо Шенгелов Денис вара бохуш, хаамаш бора хьалхо зорбанашкахь. Беллачийн гергарчарна кхоккха миллион ахчанаш декънера цо.

XS
SM
MD
LG