Хасаров ШаIрани
Лаьмнашка
Олхазар доьдийца совгIатна мас йожош
Шун тIулгийн тархаш тIе, лаьмнаш.
Акха и акхаро доьдийца чо божош,
Ша хедош акха шун Iаннаш.
Ас шоьца хIун дита?
Ас шуна хIун дита?
Тахна шух къаьсташ сайн декхарна?
Декъазчу кхолламо ямарчий летийна,
ХIетте а даккхийдеш дахарах,
Юучу сискална, суна коч-хечина
ХIинццалц схьа да-нана дацарна.
Шоьца ас дог дуьту,
Юха ван дош дуьту
Сайна шу, шуна суо иэшарна.
КIант волчу цу кIанта, дай кIезиг хестабеш,
Шен дахарх йо дена гIовла.
Дагна- ма бала беш я дийнна гIала еш
Цхьа дош а тоьаш дай довха?!
Аьлла дош дети ду.
Алазниг деши ду.
Кхин мел дерш жоьпаш ду хеттаршна.
