Нисса 17 шо даьлла нохчийн тIемалоша Ханкалахь Ми-26 тIеман беркема чудаийтина. Оьрсийчоьнан тIеман авиацехь уггар кIоршамечарах лоруш бу и хилам.
2002-чу шарахь Марсхьокху-беттан 19-чу дийнахь ,тIехь 142 эскархо а, 5 пилот а волуш, Мазлакера гIаьттина беркема нохчийн тIемалоша ПЗРК «Игла» ракета тоьхна чудаийтира Нохчийчуьра оьрсийн коьртачу тIеман базина Ханкалана гергахь сарахь 5 сахьт долуш. Галдаьккхина беркема охьадоьжнера минанаш ехкинчу ара.
И бахьана долуш вийра 117 эскархо, кхин а 10 велира хиллачу чевнех тIаьхьо госпиталшкахь.
Талламхойн версица, беркема чудаийтина "Игла" ракетан комплекс тоха кечйина аьлла валлалц хан тоьхна 2004-чу шарахь чувоьллира иза чудоуьйтуш видео яьккхина Нохчийчоьнан вахархо Джантемиров Докка. Кхин а 4 шо даьлча оцу бехктакхаман гIуллакхехула, герз оьцуш дакъалаьцна аьлла, бехкевина чувоьллира кхин а 3 стаг - Мациев Султан а, Салаватов Шамсутдин а, Хабибулаев Висхан а.