КIирандинахь муьлш бу ца хуучу наха лачкъийнера Дагестанерчу Хасав-юртан кIоштарчу Теречное эвлан вахархо Исаев Кемран, хаам бо "Кавказ.Реалиино. Цуьнан гергарчара дийцарехь, машенахь вогIу иза сацийна нуьцкъаша дIавигина хилла Советское а, Теречное а эвланашна юкъахь трасси тIехь.
ТIаьхьо царна хиина Исаев полицехь хилар. Цунна бехке дуьллуш ду бакъо йоцуш герз лелор. Болчу хаамца, цу стага бехк шена тIелаьцна. Гергарнаш тешна бу цо иза дина бохучух, полисхоша шена ницкъ бар бахьана долуш.
Оршотан дийнахь Хасав-юртарчу полицин декъана хьалха гулвеллера 200 сов стаг. Цара доьхург дара Исаев дIахецар.
