ТIекхочийла долу линкаш

ЦIеххьана кхаьчна хаам!

Юккъерчу бIешарашкахь кхо адам дIадоьллина шира кешнаш карийна Нохчийчохь


X-XII бIешерашкара каш карийна Нохчийчуьрчу Хой эвлан йистехь

Юккъерчу бIешарашкахь кхо адам дIадоьллина шира каш карийна Къоьзан-Iоманна гена йоцуш Iуьллучу Хой эвлахь. Цунах лаьцна пIераскан дийнахь хаам бина Нохчийчуьрчу къаьмнийн политикехула министралло, хаам бо Кавказ.Реалиино.

Археологашна хетарехь, карийна шира каш цхьа дакъа хила мега X-XII бIешерашкахь хиллачу кешнийн. Цу чохь дIабоьллинарг доьзал хиллачух тера ду. Яьшкан кепехь даьккхинчу тIулгийн коша чохь Iохкуш ду стеган а, зудчуьн а, беран а декъий.

Шира каш карийна Хой эвлан йистерчу цхьана хенахь нах бехаш хиллачу бIаьвнех цхьаъ юхаметтахIоттош.

Говзанчаша дийцарехь, шира каш цхьана декъана дохийна хиллачух тера ду бIов юьллуш. Цул сов, каш схьадаьстина а хила мега ширачу заманахь. Цуьнан билгало ю цу чохь цхьа а артефакт (куьйга йина хIуманаш, масала, туьлган гIирс, кечлуш ухку хIуманаш, герз, кхийран пхьегӀаш) карийна ца хилар.

Министраллан векалша дийцарехь, декъий юха дIадухкур ду бусалба дино хьоххучу кепехь.

XS
SM
MD
LG