Избербашан кхеташонан массо депутат реза а волуш, Исаков Мохьмад хIоттийна оцу гIалин мэр. ХIинццалц дарж ханна дара цуьнан карахь.
"Кавказ.Реалиига" меттигерчу жигархочо Хадулаев Шемала дицарехь, "цхьа а конфликт йоцуш, парггIат чекхбевлла харжамаш". 14 стаг хилла официалехь дарже ваха лаам бовзийтина, царех цхьаъ ца веана кхеташоне, кхечо ша юхаяьккхира шен кандидатура. Висинчу 12-ннах шиъ къастийра кхоже ваккха: Исаков а, Алиев Мурад а.
"ГIалин кхеташонан 21 депутатах балха веанарг 11 вара. Цара массара а кхаьжнаш Исаковгахьа тесира", - боху Хадулаевс.
