ТIекхочийла долу линкаш

ЦIеххьана кхаьчна хаам!

Миллиард еврона къола дина Дрезденерчу музейна


Германин канцлер Меркель Ангела ю "Баьццаран нартал" музейхь

please wait

No media source currently available

0:00 0:01:41 0:00
Линкана тIе


Европехь уггар йоккха бароккон мехаллаш чохь латто Дрезденера немцойн пачхьалкхан музейра хIуманаш яьхна оршотан дийнахь, хаам бина полицино, хаам бо France.24 зорбан хьастано. Зорбан гIирсаш яздарехь, динчу зен барам бу 1 милиард евро.

Bild газето дийцарехь, зуламхой чубоьвлла Дрезденан музейна Iуьйранна, тоькан тарсформаторна цIе а тесна, ток дIа а яьккхина. Талорхоша дIаяьхьна ювелиран хӀуманаш, мелла а яккхийн экспонаташ Iад а йитина.

Саксонин премьер-министро Кречмер Михаэла яздина твиттерехь, музейхь латтош хилла мехала хIуманаш а йоцуш, цу федералан лаьттан историна хьесапдойла дац аьлла. Полицино лоьхуш бу къола динарш.

Дрезденерчу Баьццаран нарталехь латтош ю пилан даьIкех а, дешех а, детех а, мехала тIулгех а йина 4000 экспонат. Коллекци кхоьллина Саксонин курфюрсто Авгута Ондачо 1723 шарахь.

ШолгIа Дуьненан тIом боьдуш зен ца хуьлуш йисинера иза. Амма тIеман трофей ю аьлла коллекци дIаяьхьнера Москох. Делахь а 1958-чу шарахь иза юхаерзийра Дрездене.

Хаамийн агенталлаш дийцарехь, цу коллекцин уггар еза экспонат – 41 карат долу "Дрезденан баьццара бриллиант" ца лачкъош дисина, иза карарчу хенахь "Нью-Йоркерчу Метрополитен-музейхь гайтамехь хиларна.

Оршот дийнахь музейна къола дар шолгIа гIовгIане талор дар ду Германехь тIаьхьарчу шерашкахь дина долу. 2017-чу шарахь Берлинерчу Боде музейра лачкъийра 100 кила йозалла йолу дашо ахча.

Берлинерчу Боде музейра лачкъийна 100 кила йозалла йолу дашо ахча
Берлинерчу Боде музейра лачкъийна 100 кила йозалла йолу дашо ахча

Кхачам боллуш Iамош а, лелош а буй ненан мотт Нохчийчохь?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG