ТIекхочийла долу линкаш

ЦIеххьана кхаьчна хаам!

Гадаев Мохьмад-Салахь. Хьегар


please wait

No media source currently available

0:00 0:00:42 0:00
Линкана тIе



Гадаев Мохьмад-Салахь

Хьегар

БIаьстенан байн мох хьовзийна,
ТогIи чохь гIаргIанаш* техка.
Хьегаран ницкъо Iовжийна,
Йолаза** кийрахь со кхехка.

Вайшинна доьгIний те
вовшаха кхета,
Мерзачу маттара
далхадан къа?
КIайн дуьне дерриг а
ваьшшиннан хетта,
Вайша доьгIний, хьовха,
лахдала цкъа?..

БIаьстенан аьхна мох хьоькху.
ГIаргIанаш цо техкадо.
Вайшиммо хьоьгуш хан тоькху.
Хьегаро дог кхехкадо.

------

* гIаргIа - хийистехь дика кхуьуш долу дитт, таьллийн тайпа

** йолаза - ял йоцуш

Мохьмад-Салахь Гадаев вина ГIуран-беттан 6-чу дийнахь, 1909-чу шарахь. 1928-чу шарахь иза Ростовехь рабфаке деша дIехIутту. 1930 шерашкахь иза Нохчийчохь историн а, меттан а, литературин а Iилман-талламан институтехь болхбан волало иза. Лермонтовн а, Толстойн а, Пушкинан а, Некрасовн а, Шевченкон а дийцарш нохчийн матта гочдо. Цу хенахь цуьнан ши киншка арайолу “Ши стаг”, “Буьйсанан дошло”, “Нус”, “Гуьржи”, “Акхалла”, “Хазман”, “Накъостий”, кхиерш а.

1942-чу шарахь иза антисоветан агитаци лелорна а, национал-троцкистийн тобанан декъашхо хиларна а бехке а вой, пхийтта шарана набахти чувуллу. 1957-чу шарахь иза набахти чуьра араволу. 1957-чу шарахь иза Iедало юха а лоцу, нохчийн къам сийсаздина, яздорхо вийна, аьлла, бехке а во. Амма тоьпаш тоха дина таIзар хуьйцу, цуьнан метта 25 шо набахти чохь даккха хан туху цунна.

1972-чу шарахь набахти чуьра ара а волий, Даймахка юхавогIу иза. Араваьлча, псевдонимах пайда а оьцуш, цо дийцарийн гуламаш язбо. 1972-чу шеран ГIуран-баттахь Мохьмад-Салахь кхелха.

XS
SM
MD
LG