Туркойчохь вехачу шен вешина ахча дахьийтар бахьана долуш, тIемалошна финансашца гIо латтош яра аьлла, лаьцначу Нохчийчуьрчу яхархочун Саидова Лилиян дас СаIида а, йоьIан адвоката а дIахьедина, къайлахчу сервисаша боцу бехк тIе а лаца, Дагестанера цунна вевзаш воцчу стагана доцург а кхолла бохуш, хьийзош ю йоI аьлла.
"Кавказский узел" агенталло яздира Москварчу Черемушкинскан кIоштан кхело 2018-чу шарахь Къилбаседа Кавказера 6 вахархо лацарх, тIемалошна ахчанаш латтийна цара аьлла. Ишта лецира хIетахь ши зуда а - Байсарова Мадина а, Саидова Лилия а.
Еаридийнахь Москварчу Кассационан кхелехь листира Саидовас чуделла арз. Лилиян адвокато латкъамбинера иза лаьцна латторна.
