Владимиран кIоштарчу колонехь кхелхина нохчийн тIемало а, Ичкерин Iедалехь пачхьалкхан кхерамазаллин департаментан ТIехьа-Мартанан кIоштарчу декъан хьаькам а хилла Эльбиев Ризван, хаам бина социалан машанашкахь цуьнан гергарчу наха.
Эльбиев лецира 2006-чу шарахь. Цунна бехке диллинарг дара низамашца йоцчу тIемалойн тобанан декъашхо хилар а, стаг лачкъор а, кхин дерг а.
Эльбиевн гергарчара бинчу хаамца, 15 шо хан а тоьхна, чувоьллинчул тIаьхьа цуьнах винера гIудалкхаца лела заьIапхо. 2010-чу шарахь тутмакхан йишас Эльмурзаева Сайхата гIо дехнера бакъонашларъярхошка, шен ваша колонехь къиза хьийзош ву аьлла.
Эльбиев дIавоьллина ТIехьа-Мартанан кIоштарчу ВаларгтIехь.