Чоьхьарчу гIуллакхийн министраллан Дагестанерчу урхалло лар йоцуш байна нах санна лохуш хилар дIакхайкхийна Дагестанера кхо вахархо, хаам бо ТАСС агенталло. Цкъачунна болчу хаамца, уьш мичахь бу хууш дац кху Чиллан-беттан 10-хь дуьйна, хаам бина чоьхьарчу гIуллакхийн министраллан Даагестанерчу урхаллан зорбан сервисо.
"Гергарчара дийцарехь, уьш Соьлж-ГIалахь севцна меттигерчу цхьана хьешан цIийнехь. Оццу дийнахь уьш тIаьххьара зIене бевлла. Карарчу хенахь и нах мичахь бу хууш дац. Уьш лехаме белла", - хаам бина зорбан сервисо чоьхьарчу гIуллакхийн министраллан Дагестанерчу урхаллан Instagram-чу официалан сайта тIехь.
Кхаарин дийнахь Baza Telegram-каналехь хаам гучубелира Соьлж-ГIалахь Дагестанера кхо вахархо - Алиев Ниллан а, Мустафаев Сеидайдин а, Аскеров Хьаьким а - карош вац аьлла. Болчу хаамца, уьш байна "Нохчийчоьнан дог" маьждиган хьалха цигаьрка узуш шаьш яьккхина видео цара зорбане яьккхинчул тIаьхьа.
