ТIекхочийла долу линкаш

ЦIеххьана кхаьчна хаам!

Кадыровна мегаш дерг, кхечунна дихкина ду?


Модан Firdaws ЦIийнан директор Кадырова Iайшат Парижехь

Материал язйинарг "Кавказ.Реалиин" автор Саидов Тимур

Нохчийн къоман Iадат лар ца дийраш массарна а хьалха дIа а хIиттош, цаьргара бехкаш доху Нохчийчоьнан куьйгалхочо Кадыров Рамзана. Бакъду, дац ламасташ лардар я цунах а, я цуьнан цIийнах а хьакхалуш.

Нохчийн урхалхочун йоккхахйолчу йоIа Iайшата Парижехь йовзийтина ша юкъаяьккхина бусулбачу зударшна леринчу духаран коллекци. "Безаман истори" цIе тиллинера модан гайтамна, шен ден а, ненан а юкъаметтигех йоккхаерца коьрте еанера шена ишта идей аьллера Iайшата.

"Суна сайна гира дас сан нанна эдельвейсийн курс кховдош. Лаьмнашкахь кхо де даьккхинера цо и зезагаш лоьхуш. Суна дагадеара модан маттахь оцу исторех лаьцна дийца, бакъду, сайн лаам кхочушбан масийтта шераш ийшира суна, говзанчашна уникале техникаш а Iамош", - аьлла Кадырова Iайшата.

Парижера модан гайтам
Парижера модан гайтам

Мода гойтучу барамехь иттаннашкахь бара Соьлжа-гIаларчу нохчийн симфонин оркестран музыкхой. Цара дIаэлира нохчийн мукъамаш. Францехь а, Бельгехь а бехаш болу дуккха а нохчий бара оцу суьйрене гулбелла.

Санкцеш тоьхна хиларна висира Кадыров Рамзан Европе кхача йиш йоцуш, делахь а, Парижехь хиллачух воккхаверца яздина цо "ВКонтактерчу" шен гIонехь: " Le Marois отелехь тоьллачу модан боккха синкъерам гайтина. Firdaws ЦIийнан куьйгалхочо Кадырова Iайшата гайтинчу керлачу коллекцино бендоцуш ца витина цхьа а модан гонашкара эстет а, исбаьхьчу духарийн говзанча а".

2007-чу шарахь, ша мехкан куьйгалхо дIахIоттийначул тIаьхьа дIахьедира Кадыровс, ша дайн ламастийн гIаролхо ву аьлла. Европерчу нохчашка вистхуьлуш чIагIдора цо, "вайн массеран а цхьа Iалашо ю – нохчийн къоман бартбар, орамаш лардар: мотт, Iадаташ, дин…" бохуш.

Нохчийчохь адамийн бакъонаш Iалашъян векал вина Нухажиев Нурди а тешна ву, нохчийн лидер "Iадаташ лардархо" ву аьлла.

Делахь а, Европерчу нохчийн диаспоран векална, историкна, филологна Сулейманов Джамбулатна хетарехь, Кадыровс а, цуьнан доьзалхойн а лелар "нохчийн а, кавказхойн а ламасташца нисдина дац".

"Нохчийн гIиллакхаш дохо Iалашонца дIахIоттийна режим ю и", - элира цо "Кавказ.Реалиица" хиллачу къамелехь. Сулейманов тешна ву, "Нохчийчохь дуккха а хIума нохчийн Iадаташца бIостане догIуш ду" аьлла. Парижехь мода гайтар-м кIезиг хIума дара боху цо, нохчийн Iадаташна дечу зенашка хьаьжча.

Нохчийчохь юкъара ламасташ, гIиллакхаш дохийна меттиг хилахь, шога таIзар деш Iедал ду, меттигерчу телевизионе а валавой, юьхь тIехь мел дерг охьадоккхуш, уьш сийсазбеш, цаьрга гечдар доьхуьйтуш.

Карладоккху, маре йоьдучу шен йоIаца сурт даккхийтинчу дега махкахой къинтIера бахийтира; шен ловзаргахь ша далийначу нускална марзолг кхаллийна Хаважи а юьхьIаьржа хIоттийра, шегара даьллачунна мукIарло а дойтуш.

Ловзаргахь "сонталла" гайтина аьлла, бехк баьккхира Нохчийчохь вехачу гIебарточуьнгара. Цуьнан бехк хиллера, кхо шо хьалха, кхин а жима волчу хенахь, маре йоьдучу шен йишица къаьстачу заманчохь бIаьргех хи даларна.

Комментареш

New Comments Available

Америко юха а санкцеш кхайкхийна Кадыровна. Оцу хьоло гуламашка баьхна Нохчийчуьра бахархой. Буй и гуламаш наха шайн лаамехь хIиттош?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG