ТIекхочийла долу линкаш

ЦIеххьана кхаьчна хаам!

Дагестанехь коронавирусах белларш цхьана маьждигехь лийчор бу


ХIинжа-ГIаларчу Каммаевн урамехь долчу маьждигехь лийчор бу коронавирусах белла бахархой. Ишта сацам бина Дагестанан муфтиято.

И хаам баржийна, ХIинжа-ГIаларчу маьждигаша лийча ца бо уьнах белларш, аьлла, наха социалан машанашкахь леткъамаш бан болийначул тIаьхьа.

Амма динан урхалло чIагIдо, Каммаевн урамерчу маьждигехь уьнах белларш лийчор Охан-беттан 3-чу дийнахь дуьйна долийра, бохуш.

Маьждиган векалша дийцарехь, санитаран хьелаш а лардеш, лийчадо декъий.

"Беллачийн гергарнаш маьждиге буьтуш бац. Кхерамззалин дуьхьа ду иза. Iалашдала я духар а, я гIирс а бац тхоьгахь. И духар шайца долчу тхан белхалоша лийчор бу белларш. Дезинфекци еш хир ду тхо чоьнашна», - боху маьждиган векало.

"Кавказ.Реалиино" хаийтина ма-хиллара, кхааран информацица, коронавирусах 11 стаг велла Дагестанехь, и ун кхетта ву махкахь 417 стаг.

Комментареш

New Comments Available

Оха хьоьхург

XS
SM
MD
LG