Карантин малйина Нохчийчохь

Шен хьалхалерчу хорша доьрзуш ду дахар Нохчийчохь: арахь го шайн-шайн гIуллакхашка боьлху нах, дIасалела долара а, юкъара а транспорт. Амма иза дац къам уьнан кхерамах хьалхадаьлла бохург – масканаш ю нехан яххьаш тIехь, ларйо шайна юкъахь дистанци. Делахь а кестта дахар дуьззина хецадаларе, ша доьллачу новкъа даларе догдохийла хила хьалхе долчух тера ду. Еарин буса Кадыров Рамзана хаам бина, республикехь карантинан раж юха а чагIйо ша аьлла.