ТIаьххьарчу дийнахь-буса 8 стаг велла коронавирусах, 403 вахархо цомгуш хилла Къилбаседа Кавказехь.
Уьнна дуьхьалоечу Оперативан штабо бечу хаамца, беллачаралахь ву ГIалмакхойчуьра кхо стаг, Дагестанера, Ставропол-махкара – шишша, Краснодар-махкара – цхьаъ. Пандемин муьрехь Къилбаседа Кавказехь велларг массо а ву 913 стаг
Дийнахь-бусий юьхьанца дуьйна а цомгуш хилла:
- Ставропол-мохк +141 (6766)
- Краснодар-мохк + 70 (7115)
- Дагестан + 44 (8735)
- ГIалмакхойчоь + 31 (2346)
- ГIалгIайчохь + 26 (3419)
- Кхарачой-Чергазийчоь + 23 (4185)
- ГIебарта-Балкхаройчоь + 20 (5771)
- Адыгей + 18 (2344)
- Къилбаседа ХIирийчоь + 17 (4337)
- Нохчийчоь + 13 (1908)
Юьхьанца схьа коронавирус хьакхаелла Къилбаседа Кавказерчу 46 810 стагах, боху официало. Ткъа ерриг а Оьрсийчохь - 765 816-ннах.
Федералан штабан хаамаш дукха хьолехь богIуш ца хуьлу регионашкарчу терахьашца. Хьаькамаша иза дузу Москвахь а, меттигашкахь а цомгушнаш зер кеп-кепара дIахьош хиларца.