ГIалгIайчоьнан вахархо Аушев ИбрахIим лаца кхайкхош сацам бина Москварчу Басманан кхело. ТАСС агенталло бина цунах лаьцна хаам, кхелан пресс-гIуллакххошна тIетевжина.
ГIалгIайчуьрчу экстремизмна дуьхьало латторан Центран хилла куьйгалхо Эльджаркиев ИбрахиIм верна бехке ву аьлла, шеконашка эцна иза.
- Стохка шозза кIело йира Эльджаркиевна. Дечкен-баттахь цуьнан машенна герзаш диттира, Нохчийчуьра иза ГIалгIайчу цIа вогIучуш. ХIетахь ца лазош висира иза. Ткъа Лахьан-баттахь Москвахь аьтто белира тIелатардинчеран иза а, цуьнан ваша Эльджаркиев Ахьмад а вен. Оцу зуламна бехке хеташ лаьцна ву иттех стаг.
- Диъ де хьалха Басманан кхелан сацамца лаца кхайкхийра иштта Белхороев Адам а. Иза бехкево терроран зулам дарна а, террорхойн юкъаралла кхолларна а, бакъо йоцуш герз лелорна а.
- Кху шеран Лахьан-баттахь Москварчу кхело лаца кхайкхийра Эльджаркиевн гIуллакхехула кхин а ши стаг – Богатырев Борис а, Белхороев Ильяс а. Дуьненаюкъарчу лехамашка велла ву ший а.
