ТIаьххьарчу 24 сахьтехь Къилбаседа Кавказехь коронавирусан уьнах велла 37 дархо, вирус кхетта кхин а 1 273 стагана. Оперативан штабан зерашца, Краснодаран кIоштахь велла COVID-19 уьнах 14 стаг, Ставрополан махкахь кхелхина бархI, Дагестанехь ялх, Къилбаседа ХIирийчохь виъ, ГIалгIайчохь а, ГIебарта-Балкхаройчохь а шишша дархо велла.
Верриг а Къилбаседа Кавказехь пандеми йолаелчхьана COVID-19 вирусах велла 5 826 стаг. Къаьсттина дукха бу тIаьххьарчу дийнахь ун даьлла нах Ставрополан махкахь – 246 стаг.
- Ставрополан мохк + 246 (34 833 ву эпидеми яьржичхьана)
- Краснодаран кIошт+ 192 (27 535)
- Дагестан + 156 (23 303)
- Нохчийчоь + 123 (8 551)
- ГIебарта-Балкхаройчоь + 102 (15 723)
- ГIалмакхойчоь + 96 (14 688)
- Кхарачой-Чергазийчоь + 90 (15 038)
- ГIалгIайчоь + 92 (12 051)
- Адыгей + 89 (10 945)
- Къилбаседа-ХIирийчоь + 87 (11 924)
Таханалерачу дийнахь Къилбаседа Кавказехь ковид кхетта ву 174 591 стаг. Оперативан штабан статистикаца Оьрсийчохь ву тахана, кхаарин дийнахь, ун даьлла 3 131 550 стаг.
