ТIекхочийла долу линкаш

ЦIеххьана кхаьчна хаам!

Краснодар-махкахь беракема чудоьжна, пилот велла. Дов айдина оцу хьокъехь


Краснодар-махкахь кхерамзаллин низам талхор толлуш, бехктакхаман гIуллакх айдина Краснодарна гергарчу юьртабахамехь белхаш беш Ми-2 беракема чудожарца доьзна.

Бохам хилла Охан-беттан 17-чохь, Москван 14:00 хенаца мехкан Северный къоштахь. 1960 шарахь вина хилла пилот велла йинчу чевнех.

"Карарчу хенахь беракема а, иза чудоьжна меттиг а толлуш ю, ягочух йисина ларш, техникан документаци ю зен дIалахьош, экспертиза йийр ю", - аьлла Талламан комитетан Москварчу регионашна юкъарчу урхаллин пресс-векалто, боху "Интерфаксо".

Агенталлин хьасташа дийцарехь, и беракема 2013-чу шарахь а хилла чудоьжна: аренан белхаш дIахьош, тIам хьакхабелла хилла электросерех. ХIетахь аьтту агIо боьхна, тодина хилла иза.

  • 2018-чу шарахь Нохчийчохь, боккха мох баьлча, дозанан эскархошца цхьаьна Iинах дахара Ми-8 беракема. Шиъ кхианера чуьра охьаэккха, ворхI чохь висира. Пхиъ велла, шиъ дийна карийра. Амма хиллачу чевнех тIаьхьо дIавелира оцу шиннах цхьаъ а.

Хьажа комменташка

Коьрта теманаш

Оха хьоьхург

XS
SM
MD
LG