ТIекхочийла долу линкаш

ЦIеххьана кхаьчна хаам!

Туркойчу Мангал-баттана билеташ дохкар сацийна "Аэрофлото"


Оьрсийчоьнан "Аэрофлот" авиакомпанино Мангал-бутт чекхбаллалц аьлла сацийна Туркойчу ечу рейсашна билеташ дохкар, коронавирусца къийсам латторан оперативан штабо бакъо елла йолу кIиранах ши рейс а йитина. Цунах лаьцнахаам бо Радио Свободано, ТАСС агествона тIе а тевжаш.

"Аэрофлотан" официалан векло Демин Михаила дIахьедина, Мангал-баттахь хир йолчу рейсашна билеташ дохкар сацийна, "некъахошна цатемаш ца хилийта, и кеманаш ца лела мегаш хиларна".

Цхьа де хьалха цхьамогIа зорбан гIирсаша хаам бира, Стигалкъекъа-беттан 15-хь дуьйна Мангалан-беттан 1-чу кхаччалц Туркойчу кеманаш лелар доьхкуш бина сацам къидIа и бут чекхбаллалц бахбан мегаш бу аьлла. Оперативан штабехь и хаам бакъ ца бира.

Охан-беттан 12-хь Оьрсийчоьно цхьана ханна сацийра Охан-беттан 15-чу дийнахь дуьйна Мангал-беттан 1-чу дийне кхаччалц кеманаш лелар Туркойчу а, Танзане а.

Дехкарш кIелла яхна Москва-Истанбул рожера а, чартеран а рейсаш. Охан-беттан 15-хь – Мангал-беттан 1-хь 30 миллард сов соьмана Туркойчу турашна бронь йинера 500 эзар Оьрсийчуьрчу вахархочо. Церан дезна я хан хийца, я цае ш йита уьш.

Тергамхоша билгалдоккху Оьрсийчоьнан Iедалийн оцу сацаман политикан кӀелдӀашхе а хилар. Охан-беттан 10-хь Истанбулехь визитца хилира Украинин президент Зеленский Владимир. Цуьнца хиллачу цхьаьнакхетарехь президента ЭрдогIан Реджепа дIахьедира, Тукойчоьно ца лору аннекси йина ГIирма Оьрсийчоьнан хилар аьлла.

Коьрта теманаш

Оха хьоьхург

XS
SM
MD
LG