ТIекхочийла долу линкаш

ЦIеххьана кхаьчна хаам!

12 шо хьалха лачкъийначу нохчочун нанна 60 эзар евро дала декхарейина Оьрсийчоь


Европан адамийн бакъонашкахула йолчу кхело Оьрсийчоь декхарейина Соьлжа-ГIалахь 2009-чу шарахь воI вайначу нанна Малаева Марияна 60 эзар евро дала. Оцу хьокъехь хаам баржийна "Iазапна дуьхьалояран комитето".

Соьлжа-ГIалахь Сайдахмадов Асланбек вайнийла бакъоларъярхошна хиина 2012-чу шарахь. КIентан нанас дийцина, кхо шо хьалха бевзаш боцчара петарара ара а ваьккхина, машена а хаийна, дIавигира иза, аьлла.

Нохчийчоьнан чоьхьарчу гIуллакхийн министраллин урхалла ца толлуш хьийзина хилларг, ткъа айдина хилла гIуллакх дIакъевлина тIаьхьо. Иштта нисделла, Сайдахмадов Астраханера Соьлжа-ГIала а валийна, цуьнга ша вадийна вацара, шен гергарчаьргахь вара бахийтинчул тIаьхьа.

Хан ялалале юха а вадийна Асламбек, вайна, "стаг вер" олу бехктакхам айбина. Талламхошка даредина цуьнан дейишас, кIанта ша вадийнера, Соьлжа-ГIаларчу ОМОН декъан гIишлошкахь кхебира, цигара шен вада аьтто балла бохуш дийцира, аьлла. Цул тIаьхьа кхин цхьа а хаам ца карийна вайначун хьокъехь.

20I7-чу шарахь "Iазапна дуьхьалояран комитетерчу" бакъоларъярхоша арз хьажийна Европан адамийн бакъонашкахула йолчу кхеле. Масех шарахь ша дов листина даьккхича, хаийтина Страсбурго шен сацам: Сайдахмадовн ваха йолу бакъо эшийна, ткъа цуьнан нанна дуьхьалдаьккхина Iазап.

Жима стаг хьан вадийна, хьан вийна хила тарло къастонза ду хIинца а, боху бакъоларъярхоша.

  • Кхушеран бIаьста мел лаххара а 92 стаг лачкъийна хилла Нохчийчохь. Царех цхьаберш карийна я мукъабевлла тIаьхьо. Шаьш полицино идийна хиллийла хаийтина цара, амма хан яьлча, иза бакъ дац, полицино ца лечкъийнера шаьш, олура. Бакъоларъярхоша чIагIдарехь, и тайпа дIахьедарш полицино нуьцкъаша дойту ша идочу нахе.
  • ДIадахначу кIиранах "Грозный ТВ" телеканало 35 минотехь лаьттачу репортажехь гайтира цIера едда, ХIинжа-ГIаларчу шелтерхь хьулъелла Iачу хенахь, оцу хIусам чу а лилхина, кадыровхоша Нохчийчу дIайигинчу Тарамова Хьалиматах. Iедалхоша бехкаш дохкура, цунна гIо дичну бакъонашларъярхошна, ткъа йоIа дийцинера, шена цIахь ницкъбарх, ишта дехнера цо, ша шен лаамехь цIера яьлла, лехамашка ма лахьара аьлла.

Коьрта теманаш

Оха хьоьхург

XS
SM
MD
LG