ТIекхочийла долу линкаш

ЦIеххьана кхаьчна хаам!

ХIаагехь хIоранна а 12 шо хан тоьхна Милошевичан шина накъостана


ХIаагера трибунал
ХIаагера трибунал

Югославин лерринчу сервисийн хиллачу шина куйгалхочунна хIоранна а 12 шо чувоьллина даккха хан тоьхна, хаам бо Свобода Радионо. ХIаагерчу трибунало бехк тIечIагIбеш сацам бина Югославин пачхьалкхан кхерамазаллин урхаллан директор хиллачу Станишич Йовицна а, лерринчу полицин тобан буьйранча хиллачу Симатович Франкна а дуьхьал хиллачу шолгIачу дов къасторан процессехь.

Кхаарийн дийнахь, Мангал-беттан 30-хь кхело хIоранна а 12 шо чувоьллина даккха хенаш кхайкхийра цаьршинна, тIеман зуламаш а, адамаллина дуьхьал зуламаш а дарна бехке а вина.

Бехкбилларан агIоно жамI дира, жоьпе озийна и ши стаг "этникан цIена йолу Сийлахь Серби" гIолла гIерташ хиллера аьлла Хорватехь (1991-1995 шерашкахь) тIом боьдуш а, Боснехь (1992-1995 шерашкахь) тIом боьдуш а. Цаьршинна бехке диллинера хорваташ а, Боснера бусалбанаш а хьийзор а, байъар а, царна депортаци яр а, нуьцкъала уьш цIера бабхна лелор а.

Югославин президент хиллачу Моловиш Слободанан хиллачу шина накъостан, 70 шо долчу Станишичан а, 71 шо долчу Симатовичан а гIуллакх листира хиллачу Югославехула кхоьллинчу Цхьаьнакхеттачу Къаьмнийн Вовшахтохараллан Дуьненаюкъарчу трибунало 2009-чу шарахь дуьйна 2013-чу шаре кхаччалц.

Оцу хенахь и шиъ бехке цалерира кхелахоша, тоъал тоьшаллаш дац аьлла. Прокуратуро оцу сацамна апелляци йира. 2015-чу шарахь ГIуран-баттахь бух болуш лерира иза трибунало. ГIуллакх дIахьажийра юхалистийта. Кхушара Мангал-беттан 30-хь и процесс дIайирзина.

Оха хьоьхург

XS
SM
MD
LG