ТIекхочийла долу линкаш

ЦIеххьана кхаьчна хаам!

2002-чу шарахь милцошна тIелетта ву аьлла 25 шо хан тоьхна нохчочунна


Ростов гIаларчу Къилбан тIеман кхело колонехь даккха 25 шо хан кхайкхийна Нохчийчуьрчу вахархочунна Тосуев Махьарбина. 2002-чу шарахь милцойн машенна тIелатар дина аьлла, бехкевина иза.

Талламчийн версица, 1999-чу шеран юьххьехь Нохчийчохь гIаттамхойх дIакхетта Тосуев герз тохар, лелор карадерзош Iаморашкахь а хилла, яздо "Дон 24" гIирсо, тIеман кхелана тIетевжина.

Бехкбиллархоша дIахьедарца, герзашца йолчу тобанахь бакъоларъяран органийн белхахошна тIелетарш дан Iалашо лаьцна хилла Нохчийчуьрчу вахархочо. Стигалкъекъа-беттан 23-чохь ша тIелаьцнарг кхочушдина а хилла цо. ХIетахь герзаш диттира Шелковск кIоштан чоьхьарчу гIуллакхийн декъан машенна. Милицин виъ белхахо а, машенчуьра цхьа пассажир а вийра йинчу чевнех, масех лазийна висира.

Шена дохку бехкашна мукIарло ца дина Тосуевс.

Карачу беттан 3-чу дийнахь ГIебарта-Балкхаройчохь вийра пхи стаг. Къоман антитерроран комитетан версица, "терроран зуламаш дан Iалашо хиллерра" Хупсергенов Хасанбин а, вукху веаннан а.
ГIебарта-Балкхаройчохь ницкъхоша вийначу цхьаннан, Хупсергенов Хасанбин дегIа тIехь ницкъбина лараш карийна цуьнан гергарчарна.

Оьрсийчуьрчу адвокаташа а, бакъоларъярхоша а билгалдоккху, полисхоша тIемалой бара бохуш, дIакхийкхочу наха кхелашкахь дIахьедеш хиларх, тIехь ницкъбина, бехкаш шайга тIелецийтарх.

Хьажа комменташка

Коьрта теманаш

Оха хьоьхург

XS
SM
MD
LG