Кавказхойн батальонаш Украинан агIонехьа йу

Оьрсийчоьнна дуьхьал лата а, шайн мехкийн маршо къуьйсуш тIейогIучу заманчохь къийсам латтон а Украинан Герзашца долчу эскарех дIакхета аьлла, кхайкхамбина шайн махкахошка Нохчийчуьра а, ГIебарта-Балкхаройчуьра а жигархоша. Кхайкхам зорбане баьккхина дукха хан йоццуш кхоьллинчу "Бахархойн кхеташо" боламан ресурсашкахь. Оцу кепара кхайкхамаш барна Оьрсийчохь бухкзуламан жоьпалла тIедожош ду.