Израильна шантаж йеш муха лелаво Кремло Нохчийчоьнан куьйгалхо

Радикалан ХАМАС тобано Израилан дозанна тIелатар дича, Нохчийчоьнан куьйгалхочо Кадыров Рамзана дIахьедина, "ша массо а агIор Палестинехьа ву" аьлла. Политологна Преображенский Иванна хетарехь, Нохчийчоьнан куьйгалхочо дIалаьцна агIо – иза Оьрсийчоьнан Iедалан оцу конфликтан хьокъехь официалехь йоцу ойла йу.