ТIекхочийла долу линкаш

ЦIеххьана кхаьчна хаам!

Ашхабадехь полицино доьхку божаберашна а, мехкаршна а паркехь цхьаьна лела


Ашхабадерчу паркехь адамаш

Свобода Радион туркменийн сервисо хаамбарца, Ашхабадехь полисхоша ца могуьйту зудаберашана а, божаберашна а цхьаьана буьйлабелла лела. Полицин белхахоша кехаташ хоьтту кегийрхошка, къаьсттина жигара хьийза уьш "Ылхам" олучу паркехь.

Нагахь санна, кIанта шеца йолу йоI шен йиша ю алахь, документаш схьагайтар тIедуьллу царна. Нагахь, кIантаца цхьаьна доьшуш и йоI хилахь, полицин декъе даладо ший а, цул тIаьхьа дешаран хьукмате бовлу, билггал церан цIераш къасторхьама, тIаккха студентийн дега-нене дIахоуьйту. Шаьш лелочун бахьанех кхин совдаьккхина хоуьйтуш дац ницкъхоша.

Туркменистанан шахьарахь кхул хьалха а зударшка а, божаршка а дIахьедора полисхоша, церан тIехулара хатI бахьана долуш, тарлора уьш урамашкахь сецо а.

Кху шеран Товбеца-баттахь Свобода Радион туркменхойн редакцино дуьйцура, Фарапскан а, Дарганатинскан а кIошташкахь полисхоша сецорах зударий, джинсаш йоьхна а, тIелетта, йоца кучамаш тIехь хиларна а. Ишта бехкаш дохура макияж ярна а, месашна басарш дарна а.

Коьрта теманаш

Оха хьоьхург

XS
SM
MD
LG