ТIекхочийла долу линкаш

ЦIеххьана кхаьчна хаам!

Мехкан диканехь-вонехь дакъалаца гIерта Австрера нохчийн кегийрхой


Маршо Радион архивера сурт.

please wait

No media source currently available

0:00 0:03:44 0:00
Линкана тIе

Европерчу меттигерчу бахархошна юккъехь Iадат ду дика дарна ахчанаш хьежор а, гIийла а, хала а бохкучу нахана сагIа далар а, ткъа иштта вовшашна хазхетарш дар а.

Нохчийн а ду цунах терра шира Iадат -- белхий бар, я вовшийн вонехь-диканехь дакъалацар. Европехь и Iадат кхин а шорделла, нохчаша шайн ницкъ кхочучу кепара меттигерчу бахархойн вонехь-дикнехь дакъалацарца.

Иштта, масала, нохчийн кегирхойн тобано даханчу шина-кхаа шарахь аьхкенан тов совъяьллачу деношкахь шайн Iадат дина, шийла хи а оьций, и хи урамашкахула дIасалелачу нахана декъар. ТIейоьхна "Нохчийн кегирхойн цхьаьнакхетаралла" аьлла йозанаш долу белшахйохкаргаш а йолуш, тов хIоьттинчу деношкахь хи доькъучу кхиазхоша шайна мел а боккху, нохчийн кегирхошка Австрехь болу негативе хьежамаш боха а бо.

И тайпа диканаш деш акцеш дуккхаъ ю цу махкахь бехачу нохчаша дIахьош. Масех шо хьалха Австрехь дукха догIнаш а ихна, хи хьаьдда, баккхий бохамаш хилча, и хи сацон дамбанаш ян арабевлира могIарера меттигера бахархой а.

Цаьрца нийса дIа а хIиттина, хи сацорехь къахьийгира Австрехь бехачу нохчийн йоккхачу тобано. ХIетахь цу тобан декъашхо вара Венин вахархо Никархо ИбраьхIим а.

Цо дуьйцу: "И гIуллакх вовшахтоьхнарг Iумар бохуш цхьа кIант вара. Магистратера шена бевзачаьрца дийца а дийцина, долийнера цо иза. Кегий, баккхий а нохчий вовшах а кхетта, дахана, цигахь гIо дира оха. И хи хьодуш цо схьатеттина дукха сацкъар бара, иза дIабоккхуш дара тхо".

Цигахь иштта меттигерчу бахархошца къамелаш а деш, хаза Iийра шаьш бохуш кхин дIа а дуьйцу Никархос: "Вайн къоман и белхи баран Iадат хилар а дуьйцуш цаьрга. И хIума иштта динийла хиинчул тIаьхьа дукха нах зIене бийлира тхоьца, шаьш а догIур ма дара, бохуш. ГIо деш дакъалаца луурш чIогIа дукха бу кхузахь".

Хи хьаьдча, кхин болу Iаламан бохамаш хилча мичча хенахь а нохчийн диаспорерчу кегирошца зIене бовла шайн йиш ю хаьа хIетахь дуьйна Венерчу магистратийн белхахошна. Иза аьлла ца Iаш, шайн инициативеца а оьшучохь белшашгIортон луурш дуккха а хуьлу боху Никархос.

Масала, Iай ло диллича, цунах бохам ца хилийта гIо лацарца: "Австри лаьмнаш долуш меттиг ю. Ло чIогIа догIуш меттиг а ю хIара. ХIинца хIара Iа тIедогIучу хенахь дуккха а накъостий зIене бевлла тхоьца, ло а диллина, цо некъаш доьхкуш хьал хилахь, вайга ара а девлла, гIо дайта иза дIадоккхуш, бохуш. Даламукълахь, муьлхачу кепехь кху Iайн сезонехь нахана пайдехь долу хIума дан йиш ю хьовсур долуш барт хилла тхан".

Шуна муха хета, даггара дуй шена зен хиллачу доьзало Iедална хьалха куьгбехкенаш кIелхьарбахар?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG