ТIекхочийла долу линкаш

ЦIеххьана кхаьчна хаам!

ДаIишца уьйраш хилла аьлла бехкебина нохчий лецна битина Гуьржийчохь


Гуьржийчоь, Тбилиси

Гуьржийчуьрчу Ахметан кIоштан пхи вахархо шина баттана лаьцна вуьтуш сацам бина Тбилисин кхело. Пачхьалкхан кхерамзаллин урхаллан (СГБ) карабаьхкинера уьш, террорхойн организацехь дакъалаьцна бу аьллачу шеконашца.

Кхелан кхеташо йолаялале хьалха СГБ-но видео яржийра, керла хаьржинчу "Гуьржийчоьнан эмирна" а, "Исламан пачхьалкх" шех олучу тобанна а лецначара байIат деш гойтуш. Иштта яржийра шеконашка эцначара "нах беха корпус" эккхийта дагахь къамелаш ден аудио а. Билггал хоуьйтуш дац, стенгахь терроран тохар дан Iалашо хилла церан.

Талламчашна а, кхелана а мукIарло дан дуьхьало йо чубоьхкинчу Мачаликашвили Мохьмада а, Цатиашвили Юсуфа а, Багакашвили Гамзас а, Кавтарашвили Рамаза а, Маргошвили Рамаза а, тIе ца дуьту цара дохку бехкаш а. Церан адвокаташа бина и хаам журналисташка.

Кегийрхой чохь совцош сацам бан кхелан кхеташо кечлучу заманчохь гIалин кхелан гIишлонна гонах ха дара чIагIдина. СГБ-н иттех гергга салти чу витира герзех вуьзна. Къевлинчу рожехь дIаяьхьна суьдхойн кхеташо а. Кхерамзалла Iалашъярхьама дина ду аьлла, дIахьедира прокуроро, адвокаташ реза боццушехь.

Хьалхо хааме даьккхира, карарчу беттан 24-чохь Гуьржийчоьнан пачхьалкхан кхерамзаллин урхалло гуьржийн ПIаьнгазан чIожехь пхи нохчо лацарх. "Исламан пачхьалкх" (Оьрсийчохь йихкина ю)шех олучу тобанна байIат дина бу бохуш, шеконаш кхоллаеллера царех.

Коьрта теманаш

Оха хьоьхург

XS
SM
MD
LG