ТIекхочийла долу линкаш

ЦIеххьана кхаьчна хаам!

ГIалгIайчохь газ иккхина, лазийна нах бу


Гайтаман сурт

Веа стагана, шайлахь кхо бер а долуш, кеп-кепара чевнаш йина Кантышево эвлахь газ иккхина. Меттигерчу орцанхойн зерашца, яхначу буса хилла бу бохам, Кантышеверчу нах бехачу цIа чохь.

"Буса 3 сахьт даьллачу хенахь хаам бира тхоьга ГIалгIайчуьрчу Кантышево эвларчу Олиговн урамехь долчу цIа чохь газ иккхина аьлла. Ах тхов боьхна, неIарш а, кораш а дохийна", - яздо ТАСС агенталло Оьрсийчоьнан орцанхойн министраллан пресс-гIуллакххошна тIетевжина. Кеп-кепарчу чевнашца Несарарчу республикан дарбан цIийне кхачийна виъ стаг, царех кхоъ бер ду.

Чиллан-баттахь "Магнит" супермаркет иккхинера БуьритIехь, йоьхна, хаьрцинера ерриг а гIишло. РИА "Новости" агенталло яздарехь, бохаман бахьана хила тарлора газ эккхар. Белхан хенахь эккхар цанисдаларна, цхьа стаг бен ца лазош бирзира бохам.

Коьрта теманаш

Оха хьоьхург

XS
SM
MD
LG