ТIекхочийла долу линкаш

ЦIеххьана кхаьчна хаам!

Хиллачу талламхочо бехке вина Мухьаммед ибн Салман стаг вер кечдарна


Оьрсийчоьнан президент Путин Владимир а, верасан принц Мухьаммед ибн Салман ибн Iабдул-Iазиз Аль СаIуд а, 30Лахь.2018

СаIудийн Iаьрбийн верасан принц (паччахь хир волу) Мухьаммед ибн Салман, хетарехь, вен дагахь хилла карарчу хенахь дуьненчохь воцу паччахь IабдуллахI, цунна Оьрсийчохь кечдина даийтина дIаьвше мухIар а делла. И тайпаниг хилла хила мегаш ду аьлла дийцина америкахойн Си-би-эс телекааналана лаккхарчу даржехь хиллаxчу саIудийн талламхочо аль-Джабри Саада.

Аль-Джабри коьрта декъашхо вара СаIудийн пачхьалкхан талламан сервисан. Цо интервью елла Си-би-эс каналан "60 минот" программина. Шен къамелехь Джабоис дIахьедина верасан принц Мухьаммед ибн Салман ибн Iабдул-Iазиз Аль СаIуд, паччахьан Салманан кIант а, тахана ма-дарра аьлча, СаIудийн Iаьрбийн пачхьалкхан урхалхо а "психопат а, адамаш дайархо а ву, Гергарчу Малхбалехь барам боцуш дукха рицкъ долуш волу аьлла. Джабрис чIагIдарехь, "принц кхераме ву уггар хьалха шен халкъана а, америкахошна а, дерриг а дуьненна а".

"Би-би-си"-но яздарехь, ши шо хьалха Джабри ведда Канаде. Стохка цо Мухьаммад ибн Салманна дуьхьал лехам чубелира Американ федералан кхеле, паччахьан кIант ша вен гIоьртинера аьлла. Ибн Салмана юахатуьйхира цо дуьйцург.

СаIудин масех Iедалан хьукмат ю коррупци лелорна Джабрина бехке дехкина гIуллакхаш толлуш, ткъа Канадерачу суьдхочо омра дина цуьнан банкашкара активаш болх бечуьра совцор тIедожош, "цо ахчанна тIехь нах Iехийна хиларан баккъалла а долу тоьшаллаш хиларна".

Коьрта теманаш

Оха хьоьхург

XS
SM
MD
LG