ТIекхочийла долу линкаш

ЦIеххьана кхаьчна хаам!

Къинхьегаман мигранташна уггар товш йоцу регионаш ю Нохчийчоь, ГIалмакхойчоь


Гайтаман сурт
Гайтаман сурт

Къинхьегаман мухIажарийн терахьех хIоттийначу рейтингехь тIаьххьара меттигаш дIалецна ГIалмакхойчоьно а, Нохчийчоьно а. Кху шеран шолгIачу эхашарахь 857 а, 1 284 а кхинхьегамхо ву дIаязвина болх бан веана. Иштта рейтингехь аутсайдер ю Къилбаседа ХIирийчоь – цигахь дIаязвина ву 2 686 стаг.

Къаьсттина дукха мигранташ гуттар а санна хаабелла Москвахь а, Подмосковьехь а, иштта Санкт-Петербургехь а, Ленинрадан кIоштахь а. Краснодар-мохк – кхозлагIчу меттигехь бу яздо, МВД-н миграцин статистикана тIехь "Финэкспертизо" бинчу талламехь. Цигахь билгалваьлла 86 эзар стаг – доллу мигрантийн терахьера шиъ сов процент хуьлу уьш.

2022-чу шеран шолгIачу кварталехь Оьрсийчу белхаш бан баьхкина 3,12 миллион арахьара вахархо, стохкалерачу гайтаме хьаьжча кхоазза сов бу уьш, тIаьххьарчу мел лахара а 6 шерачохь хиллачуьнца дуьстича, рекорде гайтам бу. Къаьсттина дукха мухIажарш леста Узбекистанера а, Таджикистанера а.

Нохчийчоьнан цIарах Оьрсийчоьнан парламентерчу депутато, къаьмнийн гIуллакхашкахула йолчу комитетан куьйгалхочун гIовса Саралиев Шамсаила хьийхира, дийнахь-буса а царна тIехь терго латтош, болх дIабаьллачул тIаьхьа аэропорте дIа а кхетош ерзон еза мигранташца лаьтта проблемаш аьлла.

Талламан комитетан куьйгалхочо Бастрыкин Александра дIахьедира, боллу къинхьегаман мигранташ геноман регистрацих чекхбаха беза, хIунда аьлча, тIебаьхкинчара ден къаьсттина кхераме зуламаш Оьрсийчохь алсамдевлла.

Оха хьоьхург

XS
SM
MD
LG