ТIекхочийла долу линкаш

ЦIеххьана кхаьчна хаам!

Нохчийн шина ницкъхочунна дуьхьалъяьхна хилла санкцеш кхин дIа а яхйина Евроберто


Висмурадов Абузайд

Хьалхо адамийн бакъонаш йохийначарна дуьхьал яьхна хилла санкцеш кхин дIа а яхъеш сацам тIеэцна Евробертан Кхеташоно. Ву царлахь Нохчийчуьра ши ницкъхо а.

"Кеп-кепарчу мехкашкахь адамийн бакъонаш талхорна жоьпаллехь болчу нахана а, юридикан хьукматашна а дуьхьал санкцеш цхьана шарна, 2022-чу шеран ГIуран -беттан 8-чу дийне кхаччалц дIаяхъеш сацам тIеэцна тахана Кхеташоно", - аьлла ду Евробертан Кхеташонан пресс-релизехь яздина.

Вуьйцург ву нохчийн вице-премьер Висмурадов Абузайд а, Устрада-гIаларчу полицин хьаькам лаьттина Катаев Аюб а. Евробертан официалан журнала тIехь кху шеран Зазадокху-баттахь зорбане яьхнера церан цIераш.

"Магнитскмйн актаца" а догIуш, Висмурадов Абузайд санкцийн тептаршка ваьккхина аьлла, хаамбира 2019-чу шарахь Американ Цхьаьнатоьхначу Штатийн финансийн министралло. ТIаьхьо Нохчийчоьнан куьйгалхочо Кадыров Рамзана ницкъаллийн блокехула вице-премьер хIоттийра Висмурадов Абузайд.

Кху шеран Зазадокху-баттахь "Новая газетана" еллачу интервьюхь цхьана хенахь полкан декъехь хиллачу Гезмахмаев Сулимана дийцира, Кадыров Ахьмадан цIарахчу полкехь нах бойъучу хенахь Висмурадовн ролах лаьцна.

Нохчийчохь 40 сов стаг лаьцнера 2018-чу шарахь Устрада- ГIалахь. Оцу нахана ницкъ бинера, бакъонца йоцучу герзхойн тобанийн декъашхой хилар даре де бохуш. Цул сов иттаннаш нах чохь бахкош хиллера масийтта стаг а бен чутарлуш воцучу камерина. Кавказ.Реалиин хьастано дийцарехь, и нах лецна хилла, меттигерчу полицин декъан хьаькима Катаев Аюба омра а делла. ТIаьхьо и стаг цу даржера дIаваьккхира.

Иштта, Катаев бехкевора Нохчийчохь гейш лоьцуш, царна тIехь Iазапаш латторах лаьцна "Новая газето" зорбане яьхначу материалашкахь. Цхьа могIа малхбузен пачхьалкхийн санкцийн тептаршкахь ву иза.

Коьрта теманаш

Оха хьоьхург

XS
SM
MD
LG