ТIекхочийла долу линкаш

ЦIеххьана кхаьчна хаам!

Схьагарехь, малар мелла зулам дина нах емал бина ца Iаш, церан тайпа-тукхум сийсаз даран болх бехха дIахIура болчух тера ду Нохчийчохь. Республикан куьйгалхочо Кадыров Рамзана, и къийсам дIаболийнарг ша хиларна, варе бина молланаш меллачуьнан бехкенна девллачу девнашна, маслаIат до бохуш, юкъагIерта мегар дац аьлла.

please wait

No media source currently available

0:00 0:04:10 0:00
Линкана тIе

Велларг дIа ца воьллича ца волу, амма цу тайпа тезеташ даздина ма леладе аьлла, омра делла цо бохуш дуьйцу «Кавказский узел» интернет сайто. Шайн корреспонденте къайлахь и хаам бина бохуш чIагIдо оцу гIирсо.

Доккхачу декъана нах тIетов маларчашна дуьхьал, аьлча а, уьш машенашца мелла ца лелийта арабаьккхинчу некъана. Амма тамашийна хета велларг дIа а ца верзош, маслаIатан юккъе дешна нах юккъе ца бовлийтар. Дуьйцу Соьлж-ГIалара вахархочо Абдурзаков ХIарона.

Абдурзаков: «Дешначу нахе цу юккъе ма бовла, дIа ма дерзаде дов бохуш хилар нийса ца хета суна. Хийла гина-кх вайна, кегийра нах боьлхушехь, церан баккхийчара чIира юьтуш. Масийтта шо хьалха махкахь мел йолу чIир дIа ма ерзаяйтира Iедалша. Бехке вуй я вац бохург кхин агIо ю. Амма цхьа юкъаметтигаш лелош схьадаьхкина ма ду вай хIинццалц».

Малар мелла нахана бале ваьллачунна къинхетам бан догIуш дац аьлла хетарш а кIезиг бац Нохчийчохь. Царах ву Хьалха-Мартан кIоштара вахархо Газиев Лом-Iела.

Газиев: «Малар мелла стаг, мел молланаша дийцахь а, вита вогIуш вац. Ша галволий а хууш до цо ша дийриг. Цундела цунна таIзар догIу. Иза вита везаш вац, иза вита догIуш дац».

Меллачу наха зуламаш деш хиларан цхьана агIор бехк ГАИ-н белхахойн а хета Абдурзаков ХIаронна. Иштта стаг хаавелча, цуьнга зулам ца дайта, некъаш дIа а къовлий, йоккха операци дIахьо кхечу меттигашкахь. Ткъа кхузахь ма хуьллу машенаш хохку цуьнца хьалхаваларехь къовсалуш санна, бохуш дуьйцу цо.

Абдурзаков: «ГАИ-но говзаллица болх беш белхьара… ЧIургаш лелхийта. Иштта хила ма деза иза. Нохчийн кепехь, ша верриг тIаьхьа а хьодий, хIума леладо. Рейдаш ю олий, арабовлу цхьана кIиранах. ТIаккха кхин цхьана шаранна малло».

Нохчийчохь маларчашна дуьхьал рогIера къийсаман тулгIе йолаелира ТIехьа-МартантIера вахархочо, мелла а волуш, 6 стаг а вуьйш, ша а леш некъан бохам бича. Бина Iаткъам ца лабелла цуьнан гергара нах махкахь бевлира. Ткъа тезет лулахошкахь хIоттира.

Хьомсара “Маршо Радион”доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьатаса: 420 724 019832

XS
SM
MD
LG