Оьрсийчоьнан пачхьалкхан Думо Оьрсийчохь болхбечу Iаьмеркан хаамийн гIирсашна дуьхьал таллам боло беза, аьлла сацам хьалхатеттина Зазадоккху-беттан 17-чу дийнахь. Цу талламца а догIуш, Думан хаамийн а, технологийн а, коммуникацийн а комитето толлур ду, СNN-о, Iаьмеркан Озано а, Маршо Радионо, кхин болчу Iаьмеркан гIирсаша а Оьрсийчоьнан низам дохош ду я дац.
И сацам Оьрсийчоьнан Думо хьалхатеттина Iаьмерко “репрессийн” гIулч Оьрсийчоьнан Iедало ахчанца кхачо ечу RТ канална яккхарна, дIахьедо Думо.
