ТIекхочийла долу линкаш

ЦIеххьана кхаьчна хаам!

Шен гергарнаш лецна аьлла, хаамбина нохчийн оппозицин блогеро


Абдурахманов Тумсо

Де хьалха Нохчийчохь шен ялх гергара стаг лачкъийна вигина аьлла, хаамбина телеграм-каналехь нохчийн оппозицин блогеро Абдурахманов Тумсос. Бу царлахь дехой а, ненахой а, шичой а, маьхчой а.

"Селхана сан вашас "Неужели ты струсил, Иудов" аьлла, видеоролик зорбане яьккхира шен ютюб-каналехь", - дIахьедина блогеро Кавказ.Реалиин корреспонденте.

Роликехь вуьйцург ву парламентан спикер Даудов Мохьмад а, Туркойчуьра Кадыров Рамзанан оппоненташ а. Абдурахмановс дийцарехь, хьалхо лачкъийна вигинчу цуьнан массо а гергарчунна "ультиматум хIоттийнера", иза сацаве аьлла. Ца хуьлчу далахь, Абдурахмановс бахарехь, чIир хьейийр ю аьлла хиллера цаьрга.

Абдурахманов Тумсо нохчийн оппозицин блогер ву. Шен видеошкахь цо дуьйцу Нохчийчохь адамийн бакъонаш ларъеш цахиларх а, кхинйолчу меттигерчу Iедалхойн харцонех а.

2019-чу шеран Охан-баттахь нохчийн Iедалхоша масална йолийра Абдурахмановн гергарчу нахана дуьхьал информацин кампани. ХIетахь блогер шайх дIа а хадош, иза вийначунна шаьш бекхам бийриг цахиларх дIахьединера цара.

Коьрта теманаш

Оха хьоьхург

XS
SM
MD
LG