ТIекхочийла долу линкаш

ЦIеххьана кхаьчна хаам!

Украинан президентах лаьцна беламе видео йоккхуш дакъа лаьцна Кадыровс


Кадыров Рамзан

Украинан президент аьшнаш веш, беламе видео йоккхуш дакъа лаьцна Кадыров Рамзана. Зеленский Владимирх тера волчу актеро "Украинан билламза капитуляцин актана" кIел куьйг а яздеш, тIаккха "Ахмат – сила" олуш яьккхина видео Нохчийчоьнан куьйгалхочо шен телеграмерчу агIоне хIоттийна. "Белхан кабинет чохь дIаязйина ю", аьлла цо иза, тIетоьхна, и гIуллакх деш дакъа лаьцна пранкерша Вовано а, Лексуса а.

Зеленскийн вастехь видео тIехь ву Комикадзе Макс. Шен ютубера канал жигара лело волавелла иза Охан-баттахь, цуьнан ерриг видео Украинан президент емалвеш, беламе ю. Иштта видеош кхечу гIирсаш тIехь а арахоьцу блогеро, цуьнан телеграмерчу каналан цIарна юккъехь Z элп ду тIетоьхна – иза Оьрсийчоьно Украинана дуьхьал бечу тIеман пропагандин билгало ю.

Кадыровс масийттаза кхерамаш туьйсуш, дIахьедарш дина Украинан президентах лаьцна – цуьнан телеграмерчу каналехь масийттаза посташ арайовлура цунна лерина.

  • Украинехь тIом боьдучу юкъанна Кадыров оьрсийн агрессин коьрта рупор хилла: шен телеграм-каналехь цо денна дуьйцу нохчийн эскархойн хьалхататтадаларх, цара дендолчух а яздо, иштта йоьшу шен мостагIашна байташ. Чиллан-баттера схьа дуьйна цуьнан агIоне язбеллачийн терахь 60 эзарна тIера шиъ а, ах миллионе кхаччалц лакхадаьлла. Эксперташа масийттаза тидам бира, цуьнан каналехь арахоьцучу фейкашна.
  • Кадыровхоша ма-дийццара тIеман хьалхенехь дакъа ца лоций гучуделира тIеман дуьххьарчу кIиранашкахь, цуьнан меттана цара лелориг - меттигера нах хьийзор, еса гIишлош дIалецар, гайтаман видеош яхар. Цундела "тикток-эскархой" аьлла цIе тиллина нохчийн тIеман тобанашна. Кадыровс дийцинера Украинан президентан Зеленский Владимиран "вадарх" лаьцна, ша тIом боьдучу дозане вахарх а – дерриг а харц хиллера. Гуш-хезаш шайн аьпаш билггал хилча а, оцу гIуллакхо Нохчийчоьнан куьйгалла ца сацийра.

Коьрта теманаш

Оха хьоьхург

XS
SM
MD
LG