ТIекхочийла долу линкаш

ЦIеххьана кхаьчна хаам!

Вакцина йойтучу Соьлжа-ГIаларчу бахархошлахь кхоже диллина ахча а, машен а


Соьлжа-ГIалин мэрино конкурс кхайкхийна бахархошлахь, вакцинаци яйтиначарна а, ян дагахь болчарна а юкъахь.

"Итт толамхо къастор ву. Царех хIоранна а деза совгIаташ кхачор ду бIе эазр соьма тIера, ткъа коьрта совгIат хир ду - Hyundai Solaris автомобиль", - хаамбина мэрехь, яздо "Чечня Сегодня" хаамийн ресурсо.

Къовсамах кIорггера хаа аьтто бу, хаамбо, Соьлжа-ГIалин мэрин сайта тIехь.

Маршо Радионо яздира, Марсхьокху-баттахь COVID-19 вирусна дуьхьал мехий деттийтинчарна юкъахь ловзо совгIаташ дехкина Оьрсийчоьнан Iедалхоша аьлла. 100 эзар сом кхочур ду гурахь пачхьалкхерчу бахархошна аьлла, яздина дара министрийн кабинетан сайта тIехь, хаам бирао Lenta.ru гIирсо.

  • Вакцинаци яйта резабоцчарна лоьрашкара гIо тIаьххьарчу рогIехь бен кхачо ца деза, "кислород ца тоар мел хала хIума ду царна дIахаийтархьама аьлла, Кадыровс Стигалкъекъа-беттан 26-чохь дIахьединчул тIаьхьа хийцаделира Нохчийчохь прививкаш ярца долу хьал.
  • Оппозицин IADAT телеграм-канало чIагIдора, Нохчийчохь прививкаш яйтина боцчу нахера машенаш схьайохуш ю, ткъа пачхьакхан белхахошна тIедиллина вакцинаци яйта шайгара нах тIебалор, бохуш.
  • "Кавказский узел" интернет-гIирсо хаам бира, дас-нанас прививкаш яйтина аьлла, тоьшаллин кехат да аьлла, дешархошна тIедожорах.
  • Нохчийн пачхьалкхан университетан хьехархочо дийцина ресурсна, балхара дIавоккхур ву аьлла, кхерам тесча декхаре хилира ша вакцина тохийта аьлла.
  • Новости агенталло яздира, Нохчийчуьрчу могушалла Iалашъяран министраллана тIетевжина, баккхийчарлахь 100 процент бахархой вакцинацех чекхбаьхна шаьш аьлла. Амма, тIаьхьо маса хийцира терахь, ткъа хIинца юьйцург ю 60 процент.

Оха хьоьхург

XS
SM
MD
LG