ТIекхочийла долу линкаш

ЦIеххьана кхаьчна хаам!

ВЦИОМ: 17 шарахь ца хиллачу кепара лахделла Оьрсийчохь харжамхойн терахь


Гайтаман сурт

Харжамашка лелачу нехан терахь кху тIахьарчу 17 шарахь ца хиллачу кепара лахделла Оьрсийчохь. Цунах лаьцна дуьйцуш ду "Оьрсийчоьнан бахархойн социалан а, политикан жигаралла: мониторинг" олучу ВЦИОМа бинчу талламехь.

2004-чу шарахь таллам беш хаттарш динчу 55% бахархоша олура, шаьш цхьацца харжамашкахь дакъалаьцна хиларх лаьцна. 2021-чу шарахь харжамашкахь даькъальацна шаьш аьлла жоп делла 22% респонденташа. 17 шарахь 8% тIера 6% кхаччалц охьадаьлла харжамийн кампанеш вовшахтухуш дакъалаьцначу нехан терахь, 5-нна тIера 3% лахделла митингашкахь а, кхечу акцешкахь а дакъалаьцначу нехан терахь.

Респондентех цхьана декъо дийцина шаьш цкъа а дакъалаьцна цахиларх лаьцна юкъараллин дахарехь. 2011-чу шарахь цу тайпа нах 61% процент хиллехь а, ткъа хIинца уьш бацц 45% а бен.

ТIаьхьарчу 14 шарахь президентах тешачу нехан терахь алсамдаьлла шозза гергга. 2007-чу шарахь и терахь дара 10%. 2007-чу шарца дуьстича дукха кIезиг наха (15% респонденташа) жоп делла политикан а, юкъараллин а дахарца бала бац шайн аьлла.

  • Таллам дIабаьхьна Товбеца-беттан 11-хь 1,6 эзар 18 шаре беллачу Оьрсийчуьрчу бахрхошна юкъахь. Таллам баран кеп яра – тлефонехула хаттарш дар.

Коьрта теманаш

Оха хьоьхург

XS
SM
MD
LG