ТIекхочийла долу линкаш

ЦIеххьана кхаьчна хаам!

Iалам карзахдаьллера Нохчийчохь


Нохчийчоь -- Соьлж-ГIала. 31.Стиг.2016.

Кхоьссина чIогIа догIа тохар бахьана долуш зенаш дина Соьлж-ГIалахь а, цхьамогIа республикерчу ярташкахь а. Цу тайпа Iаламан бохам хиланза дуккха а хан яра Нохчийчохь боху меттигерчу бахархоша.

Нохчийчохь - догIанаш
please wait

No media source currently available

0:00 0:01:10 0:00

Iалам карзахдалар вуно дика гойтуш дара Соьлж-ГIалахь Минуткерчу тоннолан чохь хуьлург. ДогIанан хи дIадоьдийлаш лара цайора иза дIахуда. И бахьана долуш Iовраш IаьIнера цу чохь. Телефон тухий варе бора наха вовшен тоннелана го таса аьтто лаха бохуш. Мотораш чу хи даьлла дIаяйна лаьттачу машенаш юькънера и меттиг.

Кхин баш гIоле хьал дацара Соьлж-ГIалан кхечу урамашкахь а. Маршо Радион корреспонденташа бечу хаамашца, урамашкахь лаьттара бIеннаш машенаш.

Цхьайолчу гIишлонашкахь а, хIусамашкахь а дIаяьллера электросерло. Соьлж-ГIалара вахархочо Мансуров Мохьмада иштта дуьйцу хилларг.

Мансуров Мохьмада: "Иштта чIогIа догIа догIуш гина дацара суна. ДIадаха меттиг боцуш дукха хи гулделлера гIалахь. Машенаш хIиттинера шаьш йолччехь".

Дагмана ша балхахь яра боху инзаре чехка догIа долалуш.

Дагман: "ДогIа чIогIа хиларна арадовла аьтто боцуш дисинера тхо. Дерриг а х1ума хи бухула даханча санна сурт дара. ДогIа сецначул тIаьхьа Iедалша болх бинера. Iуьйринна гуш долу сурт гIоле дара".

Интернетерчу социалан машанашкахь дуккха а ю Нохчийчура Iалам карзахдалар гойтуш яьхна видеош. Церах цхьанна тIехь тIекъелйинчу гIишлонан кIеллахь йолчу гаражана чуоьхуш ду хи.

Нохчийчохь догIатохар
please wait

No media source currently available

0:00 0:00:14 0:00

Рошничура урам дистинчу хих тарбелла.

Рошничу
please wait
Embed

No media source currently available

0:00 0:00:29 0:00

Цу тайпа догIа тохар шен дахарехь цкъа бен цахиллера бохуш дуьйцу Шелан кIоштара вахархочо Халида. Иза хилла 1958-чу шарахь нохчий Сибрехара цIабирзинчул тIаьхьа дукха хан ялале.

Халид: "ЧIогIа догIа а дилхина Хули доккха деана аьлла тхо дерш а (бераш) хьевдда хьовса дахана дагадогIу суна. Хил дехьа пионерийн олу берийн лагерш яр. Кху дентIехь мел йолу дечиг а, кол а, нехаш а йоьхьуш дистина догIуш дара хи.

Берашна кхача кхоьхьу машен такхийнера хино. Цунна тIехь хилла шура чохь йолу флягаш наха лоьхуш дагадогIу суна. Вийна-ваьккхина стаг вацара. Баккхийчара хилларг тидира вай цIера даьхча хьакхарчий кхаьбна а, кхин дерг дина а бехбина мохк цIанбар санна".

Нохчийчура Орцаллан министраллан векалша бинчу хаамца, Соьлж-ГIалахь ток дIаяьккхинера церан дехарца, цIе яьлла я кхин хилла бохамаш цахилийта. ДогIа сацарца ток ялар меттахIоттийна.

ХенахIоттам говзанчаш варе бина Нохчийчура бахархой Кхаарин сарахь цу кеппара догIа тоха мегаш ду юха а аьлла. Цкъачунна Iалам карзахдалар бахьана долуш вийна-ваьккхина стаг ву аьлла хаам кхаьчна бац.

Хьажа комменташка (2)

ХIара форум дIакъевлина ю.
New Comments Available
XS
SM
MD
LG