ТIекхочийла долу линкаш

Нохчийчохь лаьцна вевзаш волу юкъараллан жигархо Кутаев Руслан


Нохчийчохь Iедалша лаьцна вевзаш волу юкъараллан жигархо, Кавказерчу къаьмнийн Ассоциацин президент Кутаев Руслан. Цуьнах лаьцна хаам бина Кавказский Узел интернет-агенталло.

Цаьргахь болчу хаамашца, Кутаев Руслан лаьцна ГихтIахь, шен гергарчу нахе хьажа-хIотта вахханчохь. Iаьржа духар доьхначу герзаца хиллачу наха ша дIавуьгуш цо телефон тоьхна хилла меттигерчу «Объектив» олучу хаамин агенталлан куьйгалхочуьнга Саратова Хеде, шен проблемаш ю аьлла. Кутаев Русланан и проблемаш юьйлаелла цо Соьлж-ГIалахь хиллачу нохчийн къам махках даьккхина 70 шо кхачарна хьажийначу конференцехь дакъалаьцначул тIаьхьа.

Оццу конференцехь дакъалоцуш бара Нохчийчурча парламентан депутаташ а, Iилманчаш а, кхин болу а республикехь бевзаш болу нах. Новая газето бинчу хаамца, сарахь хиина Кутаев Хьалха-мартантIехь полицехь чувоьллина хилар. Цунна бехке дуьллуш ду наркотикаш лелор. Уьш Кутаевн кисина тийсина хиларх шеко яц газетан.
XS
SM
MD
LG