Дукхачу хьолахь, Оьрсийчуьрчу Iедалшна Малхбузера хьеший шпионех тарло. Ткъа Кавказехь, шен хазаллица а, адамаллица а, дуккхаъчу тIемаш лаьттачу мехкашка гуманитаран миссица лелла Джоли Анджелина езаш тIеийцира хIетахь нохчаша.
«Спутник», «Белла» цIерш йолчу мухIажирийн каппашкахь дIатарбеллачу мухIажиршца цхьаьнакхетар хилира Джолин.
Цу дийннахь, хIетахь ГIалгIайчоьнан президент хиллачу Зязиков Мурата лаккхара совгIат дира актрисина, мухIажиршна гуманитаран гIо дарна аьлла, билгалдоккхуш.
Ичкерин эмиграцерчу Iедалан куьйгалхочо Закаев Ахьмада дуьйцу Джоли Анжелина ГIалгIайчу ярах, тахана дуьне дуьзначу нохчийн мухIажирех, уш оцу хьоле балочу бахьанех а.