Хасаров ШаIрани.Цхьа йоI
Цхьа йоI ю сан юьртахь ехаш,
Эсала, гIиллкх долуш шортта.
Хийлазза ша дуьхьалкхеташ,
Суна цIийеш беснеш горга.
Ма доца ду хаза туьйра,
Ма еха ю ларъен буьйса.
Со и ларъян хьоьжур вара,
Бехкаш лоьцуш ма елара.
Хьанна ю-те суна йоцург,
Лела некъаш серладохуш,
Шега хьоьжург, шена вогург,
Дуьне даа карзахвохуш.
Йовхха цIераш летош пеша,
ГIуллакхаш деш сенчу бешахь,
Цо гIиттонверг кхин хир вара,
Сан хиллал ирс мичахь дара?!