ТIекхочийла долу линкаш

ЦIеххьана кхаьчна хаам!

Элдин Микаил. ДоттагIа.


please wait

No media source currently available

0:00 0:01:03 0:00
Линкана тIе

****

Дуьненан доккхалла гIулчашца юстуш,
Сан ойла сецаеш, дин санна, аьрха,
Со волавелча, сайн кхолламца къуьйсуш,
Хьо воцург, доттагIа, суна-м ма велха.

Сов девлла гIалаташ, къинош дазделла,
Ца йицъеш къоналла, хастам беш цунна,
ГIелвелла со висча, букар а воьлла,
Хьо воцург, доттагIа, ма велха суна.

Сан бIаьргаш кхоьлича, къежбелча корта,
Ткъа, хьаж тIе дийшича и гIийла хебарш,
Ас лайнарш дахарехь хиларна шорта,
Хьо воцург ма велха, къобалдеш дехар.

Вай вовшех къаьсташ, сан Iожалла кхаьчна,
Сан дешнаш дисича хьан сина делха,
Со новкъа воккхуш, сан барма а лаьцна,
Хьуо волавелча а даггара велха.

Хьо воцург ма велха, доттагIа, суна,
Хьан бIаьрхиш оьгур ду сан Iамал хилла.
Хиларна тешаме хастам бу хьуна,
Вайн дегнаш къобалдеш дека сан илли

XS
SM
MD
LG