ТIекхочийла долу линкаш

Бексултанов Муса

Цхьалха некъахой

Дийнахь сел ул-уллохь лаьттина хилла цIенош, буьйсана мел гена дуьйлу-кх, гIенашца юха цхьаьна хила санна…

Буса, батто мархашца цхьаллехь нека къевсича: «ХIинц-хIинца чубужу-кх иза!» – са орцанна хIунда хьоду-кх, гIенах самаоьккхуш санна…

Олхазарна дитт гой-те, я диттана – олхазар; мича басахь хир дар-кх царна гуш долу гIенаш…

Некъаш ма цхьалха дуьсу-кх, ха харца а йиш йоцуш, церан кIамлучу баккъашна гушдерш вай-м дац те, шаьш санна иштта девлла лела геннара цхьалха некъахой, гIан-самой вовшах а ийна, уьш вовшех къастталц бохуш…

Маца гур ду-кх я мичахь, ган йиш йолуш хIумма а дуй-кх…

Бексултанов, Муса Эльмурзаевич (1954 шеран 1 июль) — нохчийн яздархо а, прозаик а вина 1954-чу шарахь, товбеца-беттан 1-чу дийнахь Казахийн СССР-н Мендырискан кIоштахь. 1979-чу шарахь цо чекхъяьккхира Нохч-ГIалгIайн пачхьалкхан университетан филологийн факултет. Иза ву Нохчийчоьнан а, Оьрсийчоьнан а (1992-чу шарахь дуьйна) ) яздархойн бертан декъашхо, 2005 шарахь «Литература» совгIат къовсарехь «Дашо бухӀа» совгӀатан лауреат, Нохчийн Республикан Халкъан яздархо (2005 шо).Тахана болхбеш ву "СтелаIад" берийн журналехь коьрта редактор.

КХИН А
XS
SM
MD
LG