Киевехь, Украинан инарла прокуратурин хIусамна хьалха тасадаларш хилла полицин а, дуьхьалонан акцин декъашхойн а. И бахьана долуш 7 полисхо лазийна, хаам бина "Дождь" телеканало, гIаларчу полицин зорбанан сервисна тIе а тевжина.
Жигархой реза боцург ду террорхо ву бохуш бехке веш волу ГIалгIайчоьнан вахархо Тумгоев Тимур Оьрсийчоьне дIавалар. Акцин декъашхоша дарж дитар тIедожийна Украинан инарла прокурорна Луценко Юрийна а, цуьнан гIовсна Енин Евгенийна а.
Марш Радионо хьалхо хаам бина ма хиллара, Шема вахана, тIемалошлахьлеларна Оьрсийчоьно дIавоьхуш хилла Тумгоев Москох дIахьажийна Украино кху беттан 12-чу дийнахь.
