ТIекхочийла долу линкаш

ЦIеххьана кхаьчна хаам!

Хасаров ШаIрани. ЖаIуьнан безам


please wait

No media source currently available

0:00 0:00:36 0:00
Линкана тIе

Хасаров ШаIрани
ЖаIуьнан безам

Стом хилла баьлча шен дитт паргIатдолу.
Аренан пусар до хьийкъича кIа.
Хаза йоI кхиийна юрт а гIарйолу.
Лаьмнашна чекх са го жимдича жа.

Аьллий ахь хьайн нене "Шо шаре дер ду"?
Дош долчу дашо гIап хиндолчух йо.
Йиллина хан кхаьчча хьо ара ер ю –
Малхана де санна карор ву со.

Хьан боху дахарна жаIуй ца оьшу?
Хьан эли аренца ца оьшу нах?
Иштачо хьан лерехь эрна йиш лоькху.
Иштачо бацбо кху дуьненна мохь.
1973 шо


Хасаров Темуркъин ШаIрани вина Казахстанехь Кзыл-Ордан мехкан Терень -Узецки кIоштарчу Кокжиде юьртахь 1953-чу шеран 22-чу октябрехь.

Цо дешна Нохчийчохь ша вехачу Дишни-Веданарчу юьртан школехь. Цул тIаьхьа агрономан говзалла караерзош 1972--чу шарахь чекхъяьккхина Серноводскера юьртабахаман техникум, ткъа 1982-чу шарахь чекхъяьккхина хIинца Владикавказ олучу гIалахь хилла Ламанхойн юьртабахаман институт. 1972-1974-чу а шерашкахь гIуллакх дина Советан эскарехь.

Тайп-тайпана белхаш бина комсомолехь, "Колхозан дахар " Веданан кIоштан газетан редакцехь, юьртабахаман декъехь, КПСС-н Веданан райкомехь.

Дахаран доккха дакъа дIаделла хьехархочун балхана - дерриге а 25 шо, цуьнах 20 шо дIадахана юьртарчу школехь берашна хими а, биологи а хьоьхуш.

Кхоллараллин некъ дIаболийна 1971-чу шарахь. 1986 чу шарахь «Сатасаран сахьт» байтанчийн гуларехь стихийн цикл араяьлла.

1991-чу шарахь араяьккхина "Дашон хьоза" цIе йолу берийн стихийн гулар. Ехха зIе латтийна берийн "СтелаIад" журналца, баккхийчеран стихаш араевлла нохчийн журналашкахь а, газеташкахь а.

2010-чу шарахь дуьйна Оьрсийчоьнан яздархойн бертан декъашхо ву, 2011 чу шарахь "Республикан хьакъволу журналист" цIе тиллина поэтана.

Веданарчу "Керла дахар" газетехь корреспондентан цIарах болх бина цо.

Хасаров ШаIрани кхелхина 2020-чу шеран Зазадоккху-беттан (март) 22-чу дийнахь.

Оха хьоьхург

XS
SM
MD
LG