ТIекхочийла долу линкаш

ЦIеххьана кхаьчна хаам!

Венехь теракт ярца доьзна хIусамех хьежна Германехь


Виъ стаг а вуьйш, Венехь теракт ярца доьзна гIуллакх толлуш цу зуламна декъа хила мега аьлла шеко йолчу нехан хIусамех хьежна полицин белхахой Германехь. Цунах лаьцна яздо Кавказ.Реалиино.

Болчу хаамца, пIераскан дийнахь немцойн полицино талламаш бина 4 стеган цIахь а, цара болх бечу офисашкахь а. И нах уьйраш йолуш хилла аьлла, шеко ю низамаш лардон органийн, Венехь 4 стаг а вуьйш, 20 сов лаза а веш, герз детташ терроран тIелатар динчу радикалан "джихадистца".

Полицино билгалдаьккхина, оцу нахе Iедалша цкъачунна цхьа а бехк кховдийна цахилар. Iедалша толлуш ду оцу неха 20 шо долчу Куртин Фейзулайца уьйраш хилла бохург.

Еарин дийнахь чоьхьарчу гIуллакхийн министра Нехаммер Карла ша парламентехь динчу къамелехь хаийтина 15 стаг лаьцна, зуьйш хилар.

Венехь лецначарна юкъахь бу Оьрсийчуьра схьабевлла нах
please wait

No media source currently available

0:00 0:01:51 0:00

Лецнарш массо а кеп-кепара юкъаметтиг йолуш хилла террорхочуьнца Ф. Куйтимца, терроран тохарца уьш боьзна бу я бац къастош ю полици, элира Кавказ.Реалиига чоьхарчу гIуллакхийн министраллерчу пресс-векалто. Цо бахарехь, лецначу нахах массех стаг хилла хьалха экстремизм бахьанехь набахти текхна я Iедало жоьпе ийзийна. Хилла царна Ф. Куйтиман Iалашо евзаш я ца хилла, къаьстош ду Iедал.

Официалан информацица, лецнарш массо а бу Австрерчу иммиграцин доьзалшкара. Кхоъ ву царах Къилбаседа Кавказерчу нахах, хоуьйту полицино. Кавказ.Реалиин редакцино бинчу талламо гойту оцу нахах кхоъ нохчо хилар – Венера, Санкт-Пелтенера, Линцера.

Лаьцначу 24 шо долчу цхьана нохчочун гергарчара анониман хьесапехь довзийтира шайн хIусаме полици кхачар.

"Герзашца нах чулилхира тхуна, дуьйцуш хIума доцуш, дIавигира иза, дIаяьхьира компьютераш а, телефонаш а. ТIаьхьо хиира тхуна иза цхьаъ-м цунна вевзаш хиларна дIавигинийла, террорхо вевзаш хилла стаг вевза цунна, боху. Ткъа ша террорхо цунна вевзаш а ца хилла, я цуьнца цхьа а зIе а ца лелийна", – чIагIдо лаьцначун доьзалхоша.

  • Шинарий сарахь дира Венехь терроран тохар. Маса тоьпаца араваьллачу стага вийра 4 вахархо, 23 лазийра. Герзахо ша а вийна полисхоша.
  • Австрин чоьхьарчу гIуллакхийн министра бинчу хаамца, "дерадикализацин" программе язвина хилла Куйтим Фейзулай ву Венехь нах байъинарг.

Хьажа комменташка

Комментареш

New Comments Available

Тепсуркаев Салман хьехош кIордийна, иза леха а хьашт дац, аьлла хетарш бу Маршо Радион сайте хьовсучаралахь. Иза нийса дуй шун кхетамехь?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG